افضل النصائح للمواقع الجديدة للنجاح والتصدر وجلب زوار من جوجل - عرب الخير

افضل النصائح للمواقع الجديدة للنجاح والتصدر وجلب زوار من جوجل

ملحوظة مهمة جداً للمواقع الجديدة :
افضل النصائح للمواقع الجديدة للنجاح والتصدر وجلب زوار من جوجل


بص ياباشا أنت أكيد مش عامل موقع عشان عندك فراغ أكيد عايز تحقق أرباح من اللي بتسمع عنها وكمان عندك أزمة كبيرة إنك تعرف تشتغل وتمسك كلمة وطبعا مش هتقدر تعمل باك لينك عشان تجبر جوجل أنه يقدمك في النتايج إلا في حالة تواجد زوار وكمان بنسبة بسيطة هتساعدك ع المدى البعيد مش دلوقتي يعني ممكن تتعب سنة كاملة عشان بس تعرف تمسك كلمة واحدة رئيسية مستهدفها بس كل ده ليه ؟ .. عشان أنت قررت تلعبها غلط ركز كويس معايا في المعادلة اللي هقولها دي .

المعادلة بسيطة : أنت كمبتدئ لما بتيجي تستهدف كلمة بتركز علي اكتر كلمة بتجيب زوار وكلمة قوية وعليها منافسة يعني من الأخر صعبة جداً طيب الحل اية لو انا مثلا عندي كلمة بتدخل 100 زائر يومي وفي المقابل في ليها 10 مشتقات كل كلمة بتدخل 5 زوار يوميا .. أية يمنع إني أركز في الأول علي العشر كلمات المشتقة دول وهدي مثال يوضح الكلام كله .

مثال : الكلمة الرئيسية هتكون ( طريقة عمل الكفتة باللحمة المفرومة )
الكلمات الفرعية المستهدفة هتكون :
طريقة عمل الكفتة باللحمة المفرومة للشيف الشربينى
طريقة عمل كفتة اللحمة المفرومة بالبقسماط
طريقة عمل كفتة اللحمة المفرومة فى الفرن بالصور
طريقة عمل الكفته باللحم المفروم مقلية
طريقة عمل الكفتة باللحمة المفرومة على قد الايد
طريقة عمل الكفتة باللحمة المفرومة والبطاطس
طريقة عمل الكفتة باللحمة المفرومة منال العالم
طريقة عمل الكفتة باللحمة المفرومة بالصلصة
طريقة عمل الكفتة باللحمة المفرومة للشيف علاء الشربينى
طريقة عمل الكفتة باللحمة المفرومة للشيف حسن

كده عندي كلمة رئيسية وعندي 10 كلمات فرعية :
المقال بتاعي هيبقى عنوانه بتلت أشكال وهما :
الأول مستهدف في التايتل كلمات : ( طريقة عمل الكفتة باللحمة المفرومة والبقسماط بالفرن بالصور للشيف علاء الشربيني مقلية علي قد الايد )
بكده لميت أغلب الكلمات اللي اقدر ألمها في التايتل

الثاني : ( أسرع طريقة لعمل كفتة اللحمة المفرومة بالصور والخطوات )
ده عنوان يجذب الزائر بس هياخد وقت اكبر علي مايطلع في الكلمات .

الثالث : ( جميع طرق عمل كفتة اللحمة المفرومة )
وده عنوان شامل برضه هياخد وقت أكبر عشان يطلع بالكلمات

لكن التلاتة كويسين ومفيهومش أي عيب او خلاف .

نيجي بقى نتكلم في المحتوي .. كل طريقة عندي هستهدفها بـ H2 داخل المقال وعلي قد ماقدر أكررها في الفقرة الخاصة بيها بدون ماكون بحشي كلمات علي الاقل تكرر مرتين ويتعمل عليها B

بكده انا إستهدفت 10 كلمات فرعية من الكلمة الرئيسية وكمان إستهدفت الكلمة الرئيسية ونوضح ليه أعمل الكلام ده كله في مقال واحد ليه موزعوش كل كلمة فرعية بمقال .

ماشي ده كلام كويس وهيجيب معاك نتايج كويسة كفرعيات لكن كرئيسية هتاخد وقت كبير جداً لحد ماجوجل يثق فيك .

لما أعمل العشرة دول في مقال .
أولا المقال بتاعي بقى كامل وشامل أغلب طرق عمل كفتة اللحمة المفرومة .
يعني بقى مرجع لأي حد هيبص علي طرق الكفتة باللحمة المفرومة

رقم 2 .. لو عملت كل واحدة مقال ومسكت كل المقالات فعلياً أول في جوجل ولو فرضنا إن كل واحدة بتجيب 5 زوار يومياً إذا كده عندي 10 مقالات كل مقال بيجيب 5 زوار يعني 50 زائر للموقع و5 زوار لكل مقال .

ولو في مقال واحد وكل الكلمات الفرعية مسكت أصبح عندي 50 زائر يومي لمقال واحد وده هيبقى عامل إيجابي لتلت حاجات .

أولا : الـ bounce rate بتاعك هيبقى أفضل لأن الزائر هيقعد فترة أكبر غير أنك لما هتربط مقالك ده بمقالات تانية بتكلم عن طرق تانية لعمل الكفتة هيتنقل وهيبقى مهتم لانه عارف إن مقالك في الغالب بيبقى شامل + إنك هتدمج مع كل فقرة فيديو فعلي لعمل الكفتة بالطريقة الفرعية وبكده الزائر هيقعد جوه مقالك فترة أكبر كأنه في اليوتيوب وبيتنقل بين الفيديوهات بس المرة دي محتوى هو عايزه وبيدور عليه .

ثانيا : مع ثقة الزائر بمقالك هيبدء جوجل يثق بمقالك ويبدء يقدم ترتيبه واحدة واحدة لحد ماتسيطر علي كل الكلمات الفرعية .

ثالثاً بعد ماتسيطر علي الكلمات الفرعية هتبدء الكلمة الرئيسية عندك تصعد واحدة واحدة لأن كل يوم ثقة جوجل في مقالك بتزيد

وطبعاً مننساش لو في أي تحديث أو طرق جديدة ومختلفة نعدل علي المقال ونضيفها

هناك تعليق واحد:

  1. الغريبة أنك واخد كل المحتوي ولا كتبت إسم الكاتب ولا حتى لينك المصدر !!

    ردحذف