افضل طريقة لعمل حملة اعلانية ناجحة على قوقل او جوجل حملة اعلانية ممتازة

افضل طريقة لعمل حملة اعلانية ناجحة على قوقل او جوجل حملة اعلانية ممتازة

    افضل طريقة لعمل حملة اعلانية ناجحة على قوقل او جوجل حملة اعلانية ممتازة

    افضل طريقة لعمل حملة اعلانية ناجحة على قوقل او جوجل حملة اعلانية ممتازة



    بتعمل حملات على Google Ads وبتخسر ؟
    ومش عارف بتخسر لية او اية السبب ؟
    نسبة التحويل عندك تعبانة جدا ومش عارف ازاى تظبطها
    عملت حملة ونجحت منك فى الاول وبعد كدا باظت خالص ومعرفتش تظبطها تانى
    لو انت واحد من دولت يبقى البوست دة ليك

    قبل ما نتكلم لازم نكون متفقين على كام حاجة كدا:
    1- اعمل حسابك على طول وانت بتعمل حملة Google Ads انها لازم تفشل من اول مرة . او تكون نتايجها ضعيفة
    2-احنا بنعمل اول حملة عشان نجمع بيها معلومات وبعد كدا نبدأ نعدلها ونوصلها لحملة ناجحة وبعد كدا نخليها تعدى مرحلة النجاح ونحولها لحملة ممتازة وخارقة

    نخش بقى فى الموضوع هنتكلم النهاردة عن Google Campaign Optimization

    وهوا عبارة عن اننا هنطلق حملة وبعد نكدا نفضل نعدل فيها لحد ما نوصلها لحملة ناجحة جدا ودة هشرح هنعملة ازاى هنا

    -أول حاجة انت بتعمل حملتك بناء على الاستراتيجية الى انت شغال بيها
    مثلا: انا لما باجى اعمل حملة بعملها مكونة مما يلى:
    3---4 Keywords Groups
    3---4 Landing pages
    3---4 Ads Groups


    -ثانيا انت بتطلق الحملة لمدة يوم او يومين على حسب الكى وردس ومعدل البحث عنهم . تجمع بيها معلومات وتشوف تفاعل الناس معاها
    وبكرر كلامى تانى الحملة عادى جدا جدا جدا انها تفشل من اول مرة

    -ثالثا نيجى بقى هنا لل Optimization وهوا تحسين الحملة وانك توصلها لحملة ناجحة
    وده بيعتمد على اكتر من حاجة

    1- ال Keywords وهنا هنروح نشوفها ونلفترها ونعدلها ودة عن طريق حاجتين
    اولا: بنشوف ال CTR لازم يكون اعلى من 1% ودة بيتعمد على النيتش وفى بعض النيتشات لازم يكون اعلى من 10% او اعلى من كدا كمان

    ثانيا: بنشوف عدد الكليكات مع نسبة التحويل (Conversions With Clicks) لازم تكون متناسبة مع بعضها ومتكونشى بتخسرك .
    يعنى مثلا كلمة جايبة 100 كليكاية و تحويلة واحدة بس . وهنا بتعتمد على نوع البيزنز الى انت شغال علية يعنى ممكن تكون التحويلة الواحدة هنا مغطية مصاريف ال 100 كليكاية وفايض فلوس مكسب . يعنى لازم تحسب نسبة الكليكات مع التحويل لو لقيت الكلمة بتكسب وشغالة كويس سيبها وزود سعر النقرة فيها ولو لقيتها بتخسرك امسحها

    ملحوظة: لو انت شغال Broad Match فى الكى وردس لازم تستخدم Negative Keywords وتحط الكلمات الى مش بتعمل تحويل فيها عشان متخسرشى تانى

    2- ال ADS هنا هتروح للاعلانات الى انت عاملها وتشوف الاعلانات الناجحة تسيبها والاعلانات الفاشلة تمسحها وتحط مكانها اعلانات تانية ودة عن طريق نسبة ال CTR لازم تكون عالية جدا فى الاعلان ودة بيعتمد برضة على نوع البيزنز يعنى ممكن تلاقى النسبة فى بيزنز 1% مناسبة وبيزنز تانى متلاقيهاش مناسبة
    بس عاما حاول تخلى نسبة ال CTR اعلى من 10%
    افضل اشتغل وتيست لحد ما توصل للنسبة تد وتعديها بمراحل كمان

    3-ال Devices ودة عامل مهم جدا الناس مش بتاخد بالها منة ولا بتقربلة
    فى انواع بيزنز بيكون التحويل من التليفون عالى جدا وانواع تانية بيكون التحويل معدوم
    هنا بقى لازم يجى دور المسوق انة يهتم بالنقطة دى وتكون عامل اساسى من عوامل التهيئ عندة
    ودة بيتم عن طريق عاملين مهمين هما Clicks With Conversion . اول لما نروح قسم ال Devices هنشوف عدد الكليكات مع نسبة التحويل الموجودة على كل من التليفون والكمبيوتر والتابلت
    الجهاز سواء فون او كمبيوتر الى نلاقية شغال كويس ونسبة التحويل علية كويسة ومش بيخسرنا نسيبة ونزود علية السعر كمان
    والجهاز الى نلاقى نسبة التحويل علية مش كويسة وبيخسرنا نقلل السعر علية او نمسحة خالص

    4- ال Ads Time وهوا مواعيد ظهور الاعلانات
    العامل دة بقى معظم المسوقين ضربينة بالجزمة ومش بيهتمو بية خالص رغم انة عامل مهم جدا جدا وفى حملات كانت معايا فشلة ومفيش فيها امل ولاكن لما لعبت على العامل دة اتحولت لحملات ناجحة

    الفكرة هنا انك مش بتشغل اعلانك طول الاسبوع.
    فى ايام معينة واوقات معينة بيكون فيها نسبة التحويل عالية جدا وايام واوقات تانية لا.

    يعنى مثلا ممكن تطلق اعلان لبيع شنط لاب توب وتلاقى الاعلان بيجيب كليكات طول الاسبوع ومبيعات ولاكن يوم الجمعة بيجيب كليكات بس محدش بيشترى . يبقى خلاص توقفة يوم الجمعة


    وممكن تلاقى اعلان معين عندك معظم التحويلات بتحصل يوم الثلاثاء من الساعة
     6--10 بليل يبقى خلاص هنا تزود فيها سعر الكليكاية جدا بحيث انك تظهر لاى حد بيبحث فى الوقت دة

    ومش عاوز اقلك انى اشتغلت على حملة قبل كدا كنت بشغلها 4 ساعات بس فى الاسبوع وكنت بجيب منها التحويلات الى عاوزها

    يعنى الفكرة انك بتشوف اية احسن الاوقات والايام الى فيها بيحصل نسبة تحويل كويسة وتزود سعر الكليكاية فيها والاوقات الى مبيحصلشى فيها تحويل خالص وتوقف فيها الاعلان وهكذا
    والعملية دى كلها بتقدر تخليها تحصل اسبوعيا بشكل اوتوماتيك

    وصلنا هنا بقى لنهاية البوست انا حاولت اتكلم بشكل مختصر بقدر الامكان واتكملت على العناصر الرئيسية والمهمة والى انا شغال بيها فعلا وبتجيب معايا نتايج كويسة جدا

    واخيرا فى النهاية البوست لو اى حد شايف انى قلت حاجة غلط او عندة معلومة اضافية ممكن يعرفنا فى الكومنتات وكلنا هنا بنتعلم من بعض

    وبالنسبة للناس الى مشافتشى البوستات الى فاتت ممكن تشوفها هنا :

    1-شوية Tips&Tricks بستخدمها بتعلى معايا ال Quality Score جدا وبالتالى
    هتأثر عليك بان اعلاناتك هتفضل رقم واحد وتعدى كل المنافسين
    https://goo.gl/ZDA1v6

    2- كيفية أرشفة البكالنيكات How To Index Backlinks
    https://goo.gl/Zoby7b

    3-خلاصة Web 2.0 فى 2018 وازاى تعملة بطريقة صحيحة وتاخد منة كل خيرة وجوجل متلاحظشى حاجة
    https://goo.gl/iWLQuh

    By: Ahmed Ebrahim

    #google_Ads
    #SEO
    مراد وعدي
    @مرسلة بواسطة
    بث مباشر علاج طبيعي وبطريقة بسيطة لكل الامراض نصائح ومعلومات اخبار وبث مباشر اماكن سياحية تعرف على افضل الاماكن السياحية في العالم العربي والغربي وافضل المدن والقرى والجزر التي تجذب اكبر عدد من السياح من كل بقاع العالم سفر فنادق وحجزات

    إرسال تعليق

    المتابعون